Thursday 12 April 2012

الحارة

هتيجي المره ده، هه -صوت معدني-فتحي في عقله: ايه الحظ ده...
يجلس فتحي على كومة من الزلط، كلما مر عقرب الثواني على الرقم 12 يلقي فتحي بزلطه تجاه عمود النور الوحيد الذي مازال يعمل في الشارع
فتحي لنفسه: العالم ولاد الكلب دول ، مش عاجبهم حالهم، الواحد من دول يبقى ربنا رزقه من وسع و أهله مهنيينه و يقولك عايز عدل و كرامة ..
مع صوت إقامة صلاة الفجر، يظل فتحي لا يحرك ساكنا حتى ينتهي الشيخ عبدالنعيم -بصوته الكريه- من الاقامة
هه -صوت زلطه تصطدم بحاجز خشبي يحل محل سور بلكونة- فتحي في عقله: يوه، هيطلع دلوقتي عم عبده بالفالنة الداخلية الوسخة يعمل لنا دوشة
عم عبده يخرج من البلكونة بدون نظارته فهو تقريبا لا يرى
عم عبده صارخا: يا عيال يا ولاد الجرو، يلا غور من هنا منك ليه، اهاليكوا مربتكمش ليه؟؟؟
فتحي يفشخ فمه ضاحكا على عم عبده
فتحي مناديا على عم عبده: خلاص يا عم عبده، أنا هظبتلك العيال ده، يلا يا عيال زباله من هنا، عمكوا عبده عايز يريح مع الحاجه إخلاص.... خلاص يا عم عبده، مشتهم، خش نام
يرجع فتحي لمجلسه على كومة الزلط
فتحي لنفسه مرة أخرى: إحنا و الله محتاجين راجل دكر يزبط البلد بنت القحبة ده، بقي الواد عادل اللي كنت بضربه على قفاه، يطلع اخوانجي، و يعرف ناس من اللي طلعولنا في المقدر جديد وقبوا فوق الوش؟؟؟ احة يا بلد. أنا اروح للواد عادل عند الجامع اللي عالناصيه عشان يتوسطلي في أنبوبة بوتاجاز من اللي بيوزعوها في المسجد
هه -صوت كلب يصرخ متألما- فتحي في عقله:يله يا ابن الكلب
مع خروج المصلين من صلاة الفجر يهدأ فتحي مرة أخرى، مترقبا بعينيه الخارجين من المسجد حتى يخرج عادل من المسجد مرتديا نعليه
يخطو عادل في طريقه مارا بفتحي
عادل: سلام عليكم يا فتحي
فتحي: و عليكم
عادل: مش كنت تيجي تصلي الفجر معانا يا فتحي، بدل ما أنت قاعد على الزلط زي ما تكون مستني قرد دكر يولد
فتحي: و انت مال أ.... ولا بلاش... ماليش نفس يا عم إنت مزاجي!!؟؟
عادل: يا سيدي لا مزاجك ولا حاجه، صلي على اللي يشفع فيك كده. أنا بس عايز مصلحتك
فتحي: مصلحتي؟؟؟ ماتيجي يا انشراح تسمعي الشيخ عادل اغنية اسكندراني، ولا تحب اجبلك انشراح بالكهربة صيني
عادل: لااه إنت شكلك ضارب حاجه على المسا. سلام يا فتحي، بس ماتعديش عليا بكره عشان مالكش أنابيب
هه -صوت انفجار لمبة أخر عمود نور يعمل في الشارع- فتحي في عقله:يلا يا ولاد المره
و عم الظلام الحارة

No comments: