أول مرة أكتب من غير صورة, بس بجد مفيش أي حاجة تقدر تبين إللي جوايا. خلاص بجد مبقتش قادر, حاسس إني بتحرق من جوا كل يوم الصبح و محدش حاسس, و إللي يشوف طرف الدخان خارج مني إما يعدل وجهه الناحية التانية أو يقول معلش الدنيا كده, كل ده و الإنسان الوحيد إللي فارق :) مفارق و في دنيا تانية و بيقول في عقله, معلش مسير الأيام هتفهمه و يروح يطلب بيتزا عشان أعصابه تعبت من فكرتي إللي جت في دماغه في وقت مش مناسب.
أنا خلاص قربت أغمض عيني و أعادي الصحراوى مشي. يا رب إرحمني. إللي جوايا ده صح ولا غلط, خير ولا شر.
الرحمة منك يا رب
Subscribe to:
Post Comments (Atom)
9 comments:
آدم
وأظنه مش اسمك الحقيقي :)
دخانك خنق روحي,واحساسك وجعني بجد
حاسة كل كلمة فيه,وفاهمة كل حرف
وعارفة ان اي كلام بيبقى صعب يغير احساسنا الصعب دا..
لكن كل الى اقدر اقوله لك..طول ما احساسك هو الى بيحركك
يبقى انت صح
حتى لو الى انت حاسس بيه دا ماحسش بألمك..ولا اتحرق بنارك الى جواك
الوقت يا آدم بيحول كل شئ حتى اعمق جرح لماضي..وذكري
الوقت هو حياتنا وذكرياتنا..هو ألمنا..ودوانا
بس ..حاول تكون اقوي..احضن نفسك قوي
وخليك فخور باحساسك وبنارك دي لأنك بتحس وتتألم ..في زمن بقى الاحساس فيه نعمة قليلة
سنتك جميلة يارب
:)
Dr.Roufy,
مش عارف اقولك إيه, بس لو دخاني خنق روحك فأنا أسف, بس أكيد تقدري تفهمي إللي جوايا إيه.
الإحساس نعمة فعلاً, و إللي يفقدها خسر بجد.
إنتي كنتي صح في أول تخمين.
سنتك أجمل يا رب :)
بما اني اول مرة اعلق عندك فاسمحلي اقولك ان كتاباتك رائعة
بجد انت جسدت صورة غير طبيعية انا بجد مش عارف اوصف حقيقة مشاعري
ربما ذلك لان النار بتحرقني انا كمان ومفيش حد بيشعر بذلك
رغم ان الخطر مش هيقف عليا وبس
دا انا شايف نار متقدة عند ناس كتير بس اللي تاعبني اكتر نهم مش شايفينها ومش هيشوفها الا لم يفوت الاوان ويتحرقوا ويغرقوا في دوامة لا نهاية لها
وربنا يستر
عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم
hello adam
i wanna play a game
lol
..
ما تاخدش فى بالك يا ادم
ده جزء من فيلم
" saw "
افتكرته اول ما شفت اسمك مش عارف ليه
بس ربنا ما يجعلك زى ادم اللى فى الفيلم
لانه اتبهدل يا عينى
على العموم انا حاسس بيك و الدخان واصلنى لحد هنا
و الجيران اشتكت
على رسلك يا صاحبى
ايه اللى حصل عشان ده كله
ربنا يريح بالك و يطفى نارك
قول امين
adam
ازيك كدا يارب تكون كويس
يلا ليك
tag
عندي في المدونة ..عدي وخده بقى
:)
adam
اول مرور ليا و لقيت بوست هايل و كلمات هايله فى التعبير مش اكتر
انما فى الاحساس فهو يوجع القلب
مش هعرف انصحك بحاجة
لانى اصلا محتاجة النصيحة
بس هقولك
حاول مع نفسك اكتر و ربنا هيساعدك
تحياتى
Post a Comment